Һава шартларының начараюы юл һәлакәтләренә китермәсен
Республика ЮХИДИ идарәсе бүген һава торышының бозылуы нәтиҗәсендә юлларда күз күрүе начараю ихтималы булу турында хәбәр итә. Юеш кар, яңгыр яву көтелә. Төнлә юлларда бозлавык хасил булачак. Начар һава шартларында юл кагыйдәләренә аеруча игътибарлы булу сорала. Кискен маневрлар ясаудан сак булу, каршы як полосага чыгып хәрәкәт итүдән тыелу кисәтелә. Ә бик мөһим булмаганда, ерак юлларга чыгудан тыелу зыян итми.