ევროკავშირის მინისტერიალზე მხარი დაუჭირეს სკრიპალებთან დაკავშირებულ სანქციებს
21 იანვარს ბრიუსელში გამართულ შეხვედრაზე, მინისტრები მიემხრნენ ანგარირების გაყინვასა და ვიზაზე უარს რუსეთის ოთხი და სირიის ხუთი მოქალაქისათვის, აგრეთვე სირიის ერთი კომპანიისათვის. სანქცირებულთა ვინაობა მოგვიანებით გამოქვეყნდება.
სანქციების მიზეზია ქიმიური იარაღის სავარაუდო გამოყენება სირიის სამოქალაქო ომში და ინგლისის ქალაქ სოლსბერიში ყოფილი რუსი აგენტისა და მისი ქალიშვილის, სერგეი და იულია სკრიპალის მოწამვლა ნერვული გაზით, „ნოვიჩოკით“.
ევროკავშირის ელჩებმა 16 იანვარს დაამტკიცეს დამსჯელი ზომები. სანქცირებულებს შორის არის რუსეთის სამხედრო დაზვერვის სამსახურის ოთხი თანამშრომელი, რომელიც, ბრიტანეთის დაზვერვის თანახმად, მონაწილეობდა სკრიპალებზე თავდასხმაში.