NBA. Խաղային օրվա արդյունքները (տեսանյութ)
Բասկետբոլի ազգային ասոցիացիայի (NBA) կանոնավոր առաջնությունում այսօր կայացել է 3 հանդիպում:
«Լոս Անջելես Կլիպերսն» արտագնա խաղում 103:95 հաշվով առավելության է հասել «Սան Անտոնիո Սփյորսի» նկատմամբ: Հանդիպման ամենաարդյունավետ բասկետբոլիստը եղել է տանտերերից Լամարկուս Օլդրիջը, ով դաբլ-դաբլ է ձևակերպել՝ 30+14:
19 միավոր գրանցվել է Ռուդի Գեյի ակտիվում, 12 միավորով էլ վաստակել է Մարկո Բելանելին: «Կլիպերսի» կազմում ամենարդյունավետը եղել է Տոբիաս Հարիսը, ով դարձել է թրիփլ-դաբլի հեղինակ՝ 27+9+9:
Այսպիսով, «Կլիպերսն» (25-21) ընդհատեց 5 պարտությունների շարքը և այժմ զբաղեցնում է Արևմտյան կոնֆերենցիայի մրցաշարային աղյուսակի 8-րդ հորիզոնականը: «Սփյորսի» (27-21) համար այս պարտությունն առաջինն էր վերջին երեք խաղում:
«Մինեսոտա Տիմբերվուլվզը» սեփական հարկի տակ 116:114 հաշվով հաղթել է «Ֆինիկս Սանզին»: 114:114 հաշվի ժամանակ տանտերերին հաղթանակ է պարգևել Դերիկ Ռոուզի նետումը: Վերջինս վաստակել է 31 միավոր և դարձել է հանդիպման ամենաարդյունավետ բասկետբոլիստը:
«Մինեսոտայի» (22-24) համար այս հաղթանակն առաջինն էր վերջին երեք խաղում, իսկ «Ֆինիկսը» (11-37) չորրորդ անընդմեջ պարտություն կրեց:
«Ինդիանա Պեյսերսը» ևս տնային հաղթանակ է տոնել՝ 120:95 հաշվով առավելության հասնելով «Շարլոտ Հորնետսի» նկատմամբ: Հանդիպման ամենաարդյունավետ բասկետբոլիստը եղել է Վիկտոր Օլադիպոն, ով վաստակել է 12 միավոչ:
NBA-ի մամուլի ծառայությունն առանձնացրել է խաղային օրվա լավագույն դրվագների հնգյակը: