„ჯეოსელი“ და „მაგთი“ მომსახურებას აძვირებენ
1 მარტიდან ჯეოსელის აბონენტებს მობილური სერვისის „ახალი პაკეტი მეტი S” 5 ლარის ნაცვლად, 7 ლარი დაუჯდებათ. „ახალი პაკეტი მეტი M“-ის საფასური15 ლარი გახდება,10 -ის ნაცვლად. „ახალი პაკეტი მეტი უსასრულო“ კი მარტიდან 25 ლარის ნაცვლად30 ლარი ეღირება,
კომპანია „მაგთის“ თანახმად კი, 18 თებერვლიდან მომხმარებელი „მარტივი 25“-ის ნაცვლად, განახლებულ 30 - ლარიან პაკეტს მიიღებს. გაძვირებული პაკეტის „მარტივის“ ფარგლებში მოქალაქეები გაზრდილ მობილურ ინტერნეტს მიიღებენ და 1 000 მგ-ის ნაცვლად ის 1 500 მბ იქნება.
ორივე კომპანიის განცხადების მიხედვით, მობილური ინტერნეტის სტანდარტული ტარიფი 70 თეთრიდან 10 თეთრამდე შემცირდება.
კომპანიები შემოიღებენ მობილური ნომრის მომსახურების საფასურსაც, რომელიც „ჯეოსელის“ შემთხვევაში თვეში 20 თეთრი, ხოლო „მაგთის“ აბონენტებისთვის 180 დღეზე - 1 ლარი ეღირება. ნომრის მომსახურების საფასურის ფარგლებში, ანგარიშზე დადებითი ბალანსის შემთხვევაში აბონენტის ნომერი მუდმივად აქტიური იქნება, არ გაუქმდება და მომსახურება შეუზღუდავად იქნება ხელმისაწვდომი.