ისრაელი ადასტურებს სირიაში ირანის ჯარებზე ავიაიერიშის მიტანას
ასევე ამ განცხადებამდე ისრაელის ანტისარაკეტო თავდაცვამ ჩამოგდო რაკეტა გოლანის მაღლობებზე. „ვაფრთხილებთ სირიის შეიარაღებულ ძალებს, ნუ შეეცდებიან ავნონ ისრაელის ჯარებს, ან ტერიტორიას“, ნათქვამია ისრაელის სამხედრო ძალების განცხადებაში.
მასში არ არის მოყვანილი ოპერაციის დეტალები. მაგრამ ბრიტანეთში დაფუძნებულმა ორგანიზაცია "სირიის ადამიანის უფლებათა ობსერვატორიამ" გაავრცელა ცნობა, რომ სარაკეტო დარტყმები განხორციელდა დამასკის აეროპორტთან და დედაქალაქის გარშემო. ამ წყაროს თანახმად, იერიშები, როგორც ჩანს, მიმართული იყო ირანის ჯარებისა და ლიბანელი შიიტების გასამხედროებულ ჯგუფ "ჰიზბოლას" იარაღის საცავების წინააღმდეგ.
"სირიის ადამიანის უფლებათა ობსერვატორიის" ინფორმაციით, დაიღუპა 11 ადამიანი.