«Չարլթոնի» երկրպագուն գոլը տոնելիս պատահմամբ ոտքով հարվածել է ֆուտբոլիստի (տեսանյութ)
Անգլիայի երրորդ դիվիզիոնի` «Չարլթոն»-«Ակրինգթոն» խաղի վերջնամասում զավշետալի միջադեպ է տեղի ունեցել:
«Չալթոնը» խաղի 93-րդ րոպեին հեղինակել է հաղթական գնդակը. Կառլեն Էյհերն-Գրանտն անվրեպ է իրացրել 11-մետրանոցը: Ֆուտբոլիստները շտապել են գոլը տոնել անկյունայինի դրոշակի մոտ:
«Չարլթոնի» մոտ 10 երկրպագու նետվել է խաղադաշտ, իսկ նրանցից մեկն այնքան բուռն է տոնել գոլն ու վազել դեպի ֆուտբոլիստները, որը ընկել է ու պատահմամբ ոտքով հարվածել կիսապաշտպան Քրիստիան Բելիկի աճուկին:
Բարեբախտաբար, Բելիկի հետ ամեն ինչ կարգին է. նա վնասվածք չի ստացել:
Նշենք` լեհ կիսապաշտպանի տրանսֆերային իրավունքները պատկանում են «Արսենալին», նա վարձակալության հիմունքներով է հանդես գալիս «Չարլթոնում»:
«Չարլթոնը» երրրոդ դիվիզիոնի մրցաշարային աղյուսակի 4-րդ հորիզոնականն է զբաղեցնում, իսկ «Ակրինգթոնը»` 14: