დღეს იწყება საქართველოს პრეზიდენტის, სალომე ზურაბიშვილის პირველი სამუშაო ვიზიტი ბრიუსელში. სალომე ზურაბიშვილი შეხვდება ევროკავშირის საბჭოს თავმჯდომარეს, დონალდ ტუსკს, ევროკომისიის პრეზიდენტს, ჟან-კლოდ იუნკერს, ევროპარლამენტის პრეზიდენტს, ანტონიო ტაიანის, უმაღლეს წარმომადგენელს საგარეო და უსაფრთხოების პოლიტიკის საკითხებში, ფედერიკა მოგერინის და ევროკომისარს მიგრაციის, საშინაო საქმეთა და მოქალაქეობის საკითხებში, დიმიტრის ავრამოპულოსს. საქართველოს პრეზიდენტი შეხვედრებს გამართავს ნატოს შტაბ-ბინაშიც. სალომე ზურაბიშვილის სამუშაო ვიზიტი 23 იანვრამდე გაგრძელდება.
