Англия Премьер-лигасининг 23-турида «Фулҳэм» «Тоттенҳэм Ҳотспур»ни қабул қилди. Лондондаги «Крэйвен Коттеж» стадионида кечган учрашув меҳмонларнинг 2:1 ҳисобидаги ғалабаси билан якунланди. Ўйиннинг 17-дақиқасида «шпорлар» ҳужумчиси, бошланғич таркибда жароҳат туфайли сафдан чиққан Ҳарри Кейн ўрнини эгаллаган Фернандо Льоренте бурчак зарбаси ижро этилган вақтда тўпни ўз жамоаси дарвозасига йўллаб қўйди. Мезбонлар 51-дақиқада Деле Аллининг голи билан жавоб қайтаришди. Ўйинга қўшиб берилган дақиқаларнинг учинчиси якунланаётган вақтда Ҳарри Уинкс «Тоттенҳэм»га ғалаба келтирган голни урди. «Тоттенҳэм» эндиликда 51 очко билан Англия Премьер-лигаси турнир жадвалида учинчи ўринда жойлашган, Маурисио Почеттино шогирдлари пешқадам «Ливерпуль»дан 9 очко ортда қолишмоқда. «Фулҳэм» 14 очко билан 19-ўринда жойлашган. Англия чемпионати 23-тур Фулҳэм – Тоттенҳэм 1:2 (1:0, 0:2) Голлар: 1:0 – 17, автогол Льоренте, 1:1 – 51 Алли, 1:2 – 90 Уинкс. Фулҳэм – Рико, Одои, Ле Маршан, Рим, Чемберс, Бабел (Сессеньон, 55), Сери (Сиссе, 81), Кристи, Шюррле (Кебано, 72), Брайен, Митрович. Тоттенҳэм – Льорис, Санчес, Вертонген, Роуз, Алдервейрелд, Ламела (Дайер, 79), Уинкс, Алли (Нкуду, 86), Эриксен, Триппьер, Льоренте. Огоҳлантиришлар: Митрович (74), Санчес (74), Сери (75), Роуз (79), Алдервейрелд (90).
