Австралия терма жамоаси дарвозабонлар мураббийи Йоханc Сегерс Осиё кубоги-2019 3-тури доирасида Сурияга қарши ўйинда қилган хатти-ҳаракати учун ОФК томонидан жазоланди. Аниқроғи голландиялик мутахассис Сурия терма жамоаси заҳира ўриндиғи томон ҳақоратли сўзлар айтгани учун ҳакам томонидан четлатилган эди. У Ўзбекистонга қарши 1/8 финал доирасида кечадиган ўйинда заҳира ўриндиғидан жой олмайди. Бундан ташқари эса Cегерс 10,000 АҚШ доллари миқдорида жарима ҳам тўлашига тўғри келади.
