Татарстанда “ЛУКОЙЛ” хәйрия фондының VI социаль һәм мәдәни проектлары конкурсы рәсми старт алды.
Аны ркспубликада “РИТЭК” ачык акционерлык җәмгыяте уздыра. Конкурс кысаларында 5 ел эчендә Татарстанда 590 нан артык проектны финанслауга 115 миллион сум акча тотылды.
Татарстан Республикасы территорясендә эшчәнлек алып баручы оешмалар һәм җәмәгать берләшмәләре комерцияле һәм дәүләтнеке булмаган, дәүләт; муниципаль бюджет оешмалары, җирле үзидарә органнары конкурста катнаша ала. Ә менә сәяси партияләр, профсоюз, комерция оешмалары, физик затлар һәм дини берләшмәләргә катнашу тыела. Конкурс “Спорт”, “Экология”, “Рухият һәм мәдәният” номинацияләре буенча үткәрелә. Аерым махсус “Җиңү” номинациясе дә бар. Безнең районнан кабер оешмалар конкурста җиңү яуларга өлгерде инде. Мисал өчен, район мәдәният йорты ике тапкыр грант отуга иреште. Әлеге акчаларга сәхнә костюмнары, тавыш аппаратурасы сатып алынды.
