Г.Тукай исемендәге Үзәк китапханәдә Гөлшат Байтимерованың “Очрашырбыз әле җырларда” китабы презентациясе үтте.
Китапта Лениногорскида яшәгән фронтовик шагыйрь, Татарстан Республикасы Гимны сүзләре авторы Рамазан Байтимеровның җырлары тупланган.
Анда җирле шагыйрь һәм композиторлар, шәһәр зыялылары, 11 нче гимназия укучылары, “Зиләйлүк” һәм “Сәрвиназ” вокал ансамбльләре катнашты. “Зиләйлүк” һәм “Сәрвиназ” вокал ансамбльләре Рамазан Байтимеров сүзләренә язылган җырларны башкарды.
Презентация ахырына якынлашкач, Татарстан Республикасы Гимны яңгыратылды.