Հաագայի եկեղեցում ապաստան գտած հայ ընտանիքին արտաքսում են Նիդեռլանդներից
Նիդեռլանդների Հաագա քաղաքի եկեղեցիներից մեկում հոկտեմբերի ամսից ապաստան գտած հայ ընտանիքին երկրում մնալու իրավունք չեն տա:
Ինչպես հաղորդում է Ducth News-ը, Բեթել բողոքական եկեղեցու խոսնակը տեղեկացրել է, որ արդարատադության կրտսեր նախարար Մարկ Հարբերսը ընտանիքին ասել է, որ իր կապերը չի օգտագործի՝ նրանց համար բնակության թույլտվություն ստանալու:
Հաագայի եկեղեցին, որը նախարարի դիրքորոշումը բնութագրում է որպես «կոշտ և անարդար», հայտնել է, որ կշարունակի 24-ժամյա գրաֆիկով պատարագներ մատուցել՝ թույլ չտալով ոստիկաններին ներխուժել եկեղեցի և դուրս հանել ընտանիքի անդամներին: Հոկտեմբերից ի վեր 650 կամավոր է մասնակցել շուրջօրյա պատարագներին:
Աղբյուրի փոխանցմամբ՝ միջազգային մի շարք հեղինակավոր թերթեր, որոնց թվում՝ CNN-ը, New York Times-ը և Time ամսագիրը, շարունակում են լուսաբանել Թամրազյանների հետ կապված իրավիճակը:
Թամրազյանների ընտանիքը բաղկացած է հինգ հոգուց՝ հայրը, մայրը և երեք երեխան: Նախքան եկեղեցում ապաստան գտնելը նրանք բնակվել են փախստականների կենտրոնում: Նիդեռլանդներում ընտանիքը բնակվում է արդեն 9 տարի:
Ավագ դուստրը՝ Հայարփին, որն էկոնոմետրիկա սովորում Տիլբուրգի համալսարանում, սեպտեմբերին թվիթերյան հաղորդագրությամբ հայտնել էր, որ իրենց փախստականի կարգավիճակ է շնորհվել երեք տարբեր դատարանում անցկացված լսումների արդյունքում, սակայն պետությունը բողոքարկել է դրանցից յուրաքանչյուրը: