კათოლიკოს-პატრიარქი ღორის ჯიშების გადამრჩენელ კომპანიას შეხვდა
"ქართული ღორი და საქართველოს ბუნება და გარემო პირობები უნიკალურია. ამასთანავე, ქართული ღორი გამოირჩევა ძალიან მაღალი ხარისხის ხორცით და საუკეთესო გემოვანი თვისებებით“, - განაცხადა კომპანიის დირექტორმა, ლუის სანზ კასადომო. იუწყება საპატარიაქო.
როგორც კომპანიის დამფუძნებელმა, ვასილ ბაბლუანმა აღნიშნა, "ეს პროექტი იქმნება ქართველი ფერმერების ჩართულობით, მათ სახელმწიფოს მხარდაჭერით აუშენდებათ ფერმები, რათა რაც შეიძლება მეტი ღორის მოშენება შეძლონ. შემდეგ კი მათგან გარანტირებულად მოხდება ღორების შეძენა". მისივე თქმით, მათ რაჭაში უკვე ააშენეს სანაშენე ფერმა და 500 ქართული ღორი ჰყავთ; სამომავლოდ საქართველოს 9 რეგიონში იგეგმება ფერმების აშენება.
საქართველოს პატრიარქმა ილია მეორემ სტუმრები დალოცა, წარმატებული მოღვაწეობა უსურვა და გამოთქვა იმედი, რომ ბევრი ქართველი ჩაერთვება პროექტში, ნათქვამია საპატრიარქოს მიერ გავრცელებული განცხადებაში.