Qırımda «Ukraina bayrağınıñ renklerinde» risaleler ile pilotsız uçquç tüşkenini haber eteler (+video)
Haber etile ki, risalelerde ukraince yazılar bar edi. Pilotsız uçquç şeer merkezine uçtı, amma tereklerniñ pıtaqlarında qalıp tüşti.
Jurnalist Anton Naumlükniñ bildirgenine köre, Rusiye politsiyasınıñ hadimleri vaqia yerini sarıp aldı, mında kinologik hızmet çalıştı.
Qırım kütleviy haber vastaları içtimaiy ağlarda şaatlarnıñ foto ve videolarını derc ete.
Qırımdaki Rusiye uquq qoruyıcılarınıñ resmiy malümatı daa yoq.
Qırım.Aqiqat tafsilâtlı malümat almağa tırışa.
2018 senesi mayısnıñ 18-nde Aqmescitniñ Svoboda mikrorayonında Rusiye politsiyasınıñ hadimleri Ukraina bayrağı renklerinde pilotsız uçquçnı taptı. Oña yañğıratqıç bağlanğan, andan ise Ukraina gimni yañğırağan edi.