46-ամյա բրիտանուհին մոտ 700 դոլար է ծախսել իր 9 տիկնիկի համար սուրբծննդյան նվերներ գնելու համար (լուսանկարներ)
Մեծ Բրիտանիայի Լիվերպուլ քաղաքի 46-ամյա բնակչուհի Բև Ռոբերթսը մոտ 700 դոլար է ծախսել իր 9 տիկնիկի սուրբծննդյան նվերների վրա, որոնք, կնոջ խոսքով, իրեն կյանք են վերադարձրել, գրում է Daily Mail-ը:
Բևի մոտ ընկճվածություն և տագնապային խանգարում է սկսվել 10 տարի առաջ, երբ նա գամվել է անվասայլակին ու անկարող է զգացել տնից դուրս գալու: Մեկուկես տարի առաջ նա նորածին երեխաների տեսքով 9 իրատեսական տիկնիկ է գնել՝ դրանց հագուստի վրա ավելի քան 5000 դոլար ծախսելով:
Կինն ամեն անգամ տնից դուրս գալիս տիկնիկներից մեկին վերցնում է իր հետ: «Սկզբում ես տնից դուրս էի գալիս միայն տիկնիկի համար, որպեսզի նա մաքուր օդ շնչեր, և այդպես դանդաղորեն հաղթահարեցի տնից դուրս գալու վախս»,- ասել է կինը:
Այս տարի Բևը մոտ 700 դոլար է ծախսել տիկնիկներին սուրբծննդյան նվերներ ու հագուստներ գնելու վրա: «Նրանք ինձնից լավ են հագնվում, պաշտում եմ տիկնիկներիս համար հագուստ գնելը»,- խոստովանել է նա:
Բրիտանուհին հաշմանդամության պատճառով չի աշխատում և շատ գումար չունի, սակայն իր «երեխաներն» ամենակարևոր բանն են աշխարհում: «Նրանք օգնեցին ինձ բուժվել, ինձ կյանք վերադարձրին», - ասել է Բևը:
Կինը նաև խոստովանել է, որ ոչ բոլորն են դրական վերաբերվում իր անսովոր հավաքածուին: Փողոցում մարդիկ կարծում են, թե դրանք երեխաներ են, և մոտիկից նայելով են միայն հասկանում, որ դա այնքան էլ այդպես չէ: