Зәйдә янә бил алыштылар
Зәй спорт-сәламәтләндерү үзәгендә спортның милли төрләрен үстерүгә үзеннән зур өлеш керткән, “Халык мәгарифе отличнигы”, Татарстанның атказанган тренеры, республиканың атказанган авыл хуҗалыгы хезмәткәре, “Татарстан Республикасында физкультура һәм спортны үстерүдәге уңышлары өчен” күкрәк билгесе иясе Азат Хәйруллин призына милли көрәш буенча ярыш узды. Анда яшүсмерләр 11 үлчәү авырлыгында көч сынашты. Ярыш нәтиҗәләре буенча Сармашбаш командасы җиңүче булды. Икенче һәм өченче урыннарны Аксар белән Югары Пәнәче командалары бүлеште