Башкы прокуратура Оштогу айрым судьяларга кылмыш ишин козгоду

Башкы прокуратура Ош шаардык сотунун төрага орун басарына жана судьясына, Ош облустук сотунун судьясына жана мурдагы судьясына кылмыш ишин козгоду. Шектүүлөр 2016-жылдын декабрында жана 2017-жылдын мартында Кыргызстанда оор кылмышка айыпталып камалган тажик жаранынын пайдасына чечим чыгарганs, камактагы адам мыйзамсыз бошотулганы айтылууда.



Башкы көзөмөл органдын 19-декабрдагы маалыматына ылайык, алардын иши Кылмыш кодексинин 304-беренеси ("Кызмат абалынан кыянат пайдалануу") жана 328-берене ("Атайылап сот адилеттигине жатпаган өкүм, чечим же башка сот токтомун чыгаруу") менен иликтенип жатат.



Кылмыш иши Улуттук коопсуздук боюнча мамлекеттик комитетке өткөрүлдү.