На собраниска комисија поминаа предлог-амандманите за уставни измени

Пратениците во собраниската Комисија за уставни прашања ги поддржаа четирите предлог-амандманите за измени на Уставот, согласно Договорот од Преспа . На седницата на која се расправаше за предлог-амандманите на Уставот не учествуваа пратениците од опозициската ВМРО-ДПМНЕ.


Седницата ќе продолжи утре во 13 часот, а на неа на дневен ред ќе биде втората точка –предложениот уставен закон за спроведување на амандманите.


За Предлог-уставниот закон беа поднесени седум амандмани и тоа Алијансата на Албанците, од Беса, Мухамед Зекири и Независната пратеничка група на ВМРО-ДПМНЕ и коалицијата. Амандмани на предлог-амандманите за пленарната седница може да се понесуваат најдоцна осум дена пред почетокот на седницата, која е закажана за 9 јануари следната година. За усвојување на уставните измени во третата фаза потребно е двотретинско мнозинство.