Баш калаанын спорт комитети жыл жыйынтыгын чыгарды
Бишкек шаардык спорт комитетинин тандоосу менен бильярдчы Дастан Лепшаков, жеңил атлет Дарья Маслова, оор атлет Ызат Артыков, балбан Жоламан Шаршенбеков, дзюдочу Эрлан Шеров, паралимпиадачы Жыргал Оросбаев, сууда сүзүүчү Владислав Шулико, шахматчы Шаадат Момуналиева “жылдын мыкты спортчусу” наамдарын алышты.
Баш калаанын “Мыкты машыктыруучу” наамы шахмат боюнча спорттук мектептин мугалими, машыктыруучу Келсинбек Исакжановго ыйгарылды.
Борбор шаардагы спорттун жана дене тарбиянын өнүгүшүнө кошкон салымы үчүн бир катар спорттук федерациялар менен массалык маалымат каражаттарына ыраазычылык каттары жана ардак грамоталары ыйгарылды. Алардын арасында “Азаттык” радиосу да бар. (GT)