Казак министри ЕАЭБдин бирдиктүү валютасына каршы чыкты
“Бул менен жеке да, саясатчы катары да көз карашым. Гимн, желек, герб сыяктуу эле улуттук валюта биздин эгемендиктин символу. Биз аны ар тараптан коргоп, сактап, өнүктүрүшүбүз керек. Кандайдыр бир башка квази, прокси валюталарга жол бербешибиз керек”, - деди казак министри.
Тимур Сулеймановдун айтымында, ЕАЭБде электрондук төлөмдөр үчүн бирдиктүү валютаны түзүү демилгеси Орусиянын расмий сунушу эмес.
ЕАЭБде бирдиктүү электрондук валютаны киргизүү боюнча жакында Орусиянын “Улуттук төлөм союзу” деген ассоциация демилге көтөргөн. Ал эми өткөн аптада орус медиасы Орусиянын Финансы министрлиги бул сунушту колдогонун кабарлаган.
ЕАЭБдин курамында Орусия, Беларус, Армения, Казакстан жана Кыргызстан бар. (UE)