Әлмәт юлында 17 кеше үлгән
Машина йөртүчеләрнең күпчелеге тизлекне арттырган булган.
Ел башыннан Әлмәт юлында 17 кешенең гомере өзелгән. ЮХИДИ хезмәткәрләре исерткеч эчемлек кулланып руль артына утырган 233 кешене тоткарлаган.
Район башкарма комитеты җитәкчесе Айрат Хәйруллин бу уңайдан шәһәргә керү һәм чыгу урыннарында социаль реклама белән щитлар урнаштырырга тәкъдим итте. Ул шулай ук юллардагы һәлакәтләрне кисәтү максатында уздырылган чараларның нәтиҗәсе юклыгына күрсәтеп, башка алымнар уйлап табарга, яңа технологияләр кулланырга һәм чит шәһәрләр тәҗрибәсен өйрәнергә кирәклекне ассызыклады.