Балык Бистәсе районы сәнгать мәктәбе укучылары "Жаворонок" конкурсында катнаштылар

 -Бу безнең дустанә очрашу һәм тәҗрибә уртаклашу булды. Сәләтле балаларның барысын да алып баруны үзебезгә бурыч итеп куйдык. Бигрәк тә пианинода уйнаучыларыбыз югары дәрәҗәдә чыгыш ясадылар. Казан дәүләт культура академиясеннән килгән жюри әгъзалары да пианистларыгызның осталыгы лаеклы дәрәҗәдә, дип әйттеләр. Укучыларыбыз ирешкән уңышларга бик сөенеп кайттык,–ди сәнгать мәктәбе җитәкчесе Елена Фәсхетдинова.

Сәнгать мәктәбеннән “Курайчылар” ансамбле, сәнгать бүлегеннән, воколистлар, пианинода уйнаучы барлыгы 41 бала чыгыш ясаган. Алар алып кайткан дипломнарны санап бетергесез. Вокальчылар арасыннан София Нәгыймуллина (җитәкчесе Татьяна Купцова) икенче, Айсылу Мингарипова һәм Нәргизә Димеева (җитәкчеләре Алсу Галиуллина) өченче дәрәҗәдәге диплом алып кайткан. Пианинога йөрүче берничә группа да  чыгыш ясаганнар. Сигез-тугыз яшьлекләр арасыннан Татьяна Перелетова җитәкчелегендәге Кира Васильева һәм Татьяна Купцова җитәкчелегендәге Виктория Ветелкина икенче дәрәҗәдәге дипломга ия булганнар. Урта группага йөрүчеләр арасыннан Татьяна Купцова җитәкчелегендәге Вера Хәбибуллина һәм София Нәгимуллина, Елена Фәсхетдинова  җитәкчелегендәге Анна Ананьева өченче дәрәҗә лауреат исемен алганнар. Шулай ук Венер Мубаракшин җитәкчелегендәге “Курайчылар” ансамбле дә өченче дәрәҗә лауреат исеменә лаек булган. Рәссам бүлегенә йөрүчеләр дә зур уңышлар белән кайткан. Фәния Якупова җитәкчелегендәге Наталья Герасимова һәм Динә Мансурова беренче, Гөлчәчәк Хазиева икенче дәрәҗәле дипломга ия булган.

Сәнгать мәктәбе укучыларының бу беренче генә җиңүләре түгел. Кая барсалар да, нинди генә ярышларда катнашсалар да алдынгы урыннарда булулары белән сөендереп торалар. Аларга һәрчак уңышлар юлдаш булсын, иде дигән теләктә калыйк.

Гөлназ Зарипова.

Автор фотолары.