ԱԺ–ն դեռ 2015-ին 13 տոկոս եկամտահարկ սահմանեց ՀՀ–ից դուրս շինաշխատանքներ իրականացնողների համար. այս լրացմանը կողմ է քվեարկել նաև Արփինե Հովհաննիսյանը. Լ. Նազարյան
Արտագնա աշխատանքի մեկնած քաղաքացիների եկամուտների հարկման թեմայի հետ կապված հստակ միայն երկու բան է հայտնի.
Դեռևս 2015 թվականին Ազգային ժողովը «Եկամտային հարկի մասին» օրենքում ընդունեց լրացում, որով 13 տոկոս եկամտային հարկ սահմանեց այն վարձու աշխատողների համար, որոնք իրենց գործատուների հետ կնքած պայմանագրով աշխատում են ՀՀ սահմաններից դուրս և իրականացնում են շինաշխատանքներ:
Այս մասին ֆեյսբուքյան իր էջում գրել է ՀՀ ԱԺ «Ելք» խմբակցության ղեկավար Լենա Նազարյանը։
«Այս լրացմանը, ի դեպ, կողմ է քվեարկել նաև տիկին Արփինե Հովհաննիսյանը, որը հիմա անթույլատրելի է համարում խոցելի խավի հարկումը:
Եվ երկրորդը, ՀՀ ԿԱ պետական եկամուտների կոմիտեն չունի, չի ներկայացրել և դեռևս չի էլ պլանավորում որևէ նախագիծ, որը կանդրադառնա արտագնա աշխատանքի մեկնած ֆիզիկական անձանց եկամուտների հարկման մեխանիզմներին»,– գրառման մեջ հայտնում է Լենա Նազարյանը։