NBA. «Տորոնտոն» հաղթել է «Օրլանդոյին», «Վաշինգտոնը»՝ «Կլիպերսին» (տեսանյութ)
Այսօր Բասկետբոլի ազգային ասոցիացիայի (NBA) կանոնավոր առաջնությունում կայացել է 4 հանդիպում:
«Նյու-Յորք Նիկսը» սեփական հարկի տակ 114:118 (35:33, 25:25, 25:31, 29:29) հաշվով պարտվել է «Պորտլենդ Տրեյլ Բլեյզերսին»: «Նիկսի» համար սա 6-րդ անընդմեջ պարտությունն էր:
«Պորտլենդի» առաջատար Դամիան Լիլիարդը վաստակել է 29 միավոր, կատարել է 8 փոխանցում: Սի Ջեյ Մակոլումը վաստակել է 31 միավոր, դաբլ-դաբլով (13+10) աչքի է ընկել Յուսուֆ Նուրկիչը: «Նիկսի» կազմում ամենաարդյունավետ եղել է Թիմ Հարդուեյ կրտսերը, ով վաստակել է 32 միավոր:
Զուգահեռաբար կայացած խաղում «Բրուկլին Նետսը» հյուրընկալվելիս 104:92 (20:13, 19:29, 35:35, 30:15) հաշվով հաղթել է «Մայամի Հիթին»: «Բրուկլինից» դաբլ-դաբլ է ձևակերպել Ջարեդ Ալենը (13+14), իսկ «Մայամիից»՝ Հասան Ուայտսայդը (21+23):
Օրվա երրորդ խաղում «Օրլանդո Մեջիկը» սեփական հարկի տակ 91:93 (17:29, 20:18, 38:26, 16:20) հաշվով պարտվել է «Տորոնտո Ռեպտորսին»: Հանդիպման ամենաարդյունավետ բասկետբոլիստը եղել է «Օրլանդոյի» պաշտպան Էվան Ֆուրնյեն, ով վաստակել է 27 միավոր: Դաբլ-դաբլով աչքի է ընկել Նիկոլա Վուչևեիչը (14+17), իսկ «Տորոնտոյի» կազմում 18 միավորով ամենաարդյունավետը եղել է Կավայ Լեոնարդը:
«Վաշինգտոն Ուիզարդսը» սեփական հարկի տակ 125:118 (21:40, 33:33, 32:22, 39:23) հաշվով հաղթել է «Լոս-Անջելես Կլիպերսին»: Հանդիպման գլխավոր հերոսը եղել է «Վաշինգտոնից» Ջոն Ուոլն է, ով վաստակել է 30 միավոր և վաստակել է 8 միավոր:
NBA-ի մամուլի ծառայությունն առանձնացրել է խաղային օրվա լավագույն դրվագների հնգյակը: