ზაქარია ქუცნაშვილი: მართლმადიდებელი ქვეყნების გენასამბლეას ვუმასპინძლებთ
„ჩვენ ხუთი წელი ვითხოვდით ამ უფლებას და საბოლოოდ, კაიროში, საერთაშორისო სამდივნოს სხდომაზე დადასტურდა ეს გადაწყვეტილება. საპარლამენტო ასამბლეა გახლავთ ქრისტიანული, არა მხოლოდ მართლმადიდებელი, ქვეყნების საპარლამენტო, პოლიტიკური გაერთიანება. მასში შედიან როგორც კათოლიკეები, ასევე გრიგორიანელები. ეს ძალიან საპატიო მოვლენაა“, - განაცხადა ზაქარია ქუცნაშვილმა. ის კაიროში მართლმადიდებელი ქვეყნების საპარლამენტო ასამბლეაში საქართველოს პარლამენტის მუდმივმოქმედი დელეგაციის ხელმძღვანელის სტატუსით იმყოფებოდა.
როგორც ზაქარია ქუცნაშვილმა განაცხადა პრესკლუბში „მთავარი“ 21 ნოემბერს გამართულ პრესკონფერენციაზე, გენერალური ასამბლეის სხდომის ჩატარება ზრდის ამა თუ იმ ქვეყნის ცნობადობას, ავითარებს რელიგიური ტურიზმის შესაძლებლობებს და ამ მოვლენას თავისი წვლილის შეტანა შეუძლია საქართველოს ტერიტორიული მთლიანობის პრობლემის მოგვარების ჭრილში.
„ეს გვაძლევს ახალ პლატფორმას, ახალ საშუალებას, რომ საქართველოს ოკუპირებული ტერიტორიების პრობლემებზე ვიმსჯელოთ, მათ შორის - რელიგიურ ასპექტში. “, - განაცხადა ზაქარია ქუცნაშვილმა.