Президент Путинга шикоят ёзган 14 ёшли қиз ўзини ўлдирди
Хабарларда айтилишича, қиз мактабда ўзини масхара қилишларидан ҳам шикоят қилган. Унинг синфдошлари кўриш қобилияти заиф бўлган бу қизга “циклоп” деб лақаб қўйиб олган. Қиз ўзини ўлдиришдан олдинроқ ижтимоий тармоқда “Нега бунчалик тошбағирсиз, одамлар” деган ёзувни қолдирган.
"Смоленская народная газета"нинг ёзишича, қизнинг онаси касалхонада санитарка бўлиб ишлаган. Қизи Путинга шикоят қилгани ортидан у касалхона раҳбарлари томонидан босимга учраган. Газетанинг ёзишича, мана шу ҳолат ҳам қизга қаттиқ таъсир қилган бўлиши мумкин.
Ҳозирча қизнинг шикоят хати президент Владимир Путингача етиб боргани ёки бормагани номаълум.