Жыл башынан бери 52 балага кант диабети диагнозу коюлду

Саламаттык сактоо министрлигинин коомдук кеңешинин мүчөсү Нурхан Жумабаеванын “Азаттыкка” берген маалыматы боюнча, жыл башынан бери 52 балага кант диабети диагнозу коюлду. Өлкөдө 400дөй бала бул оору менен каттоодо турат. Балдардын эндокринолог-педиатр адистигиндеги дарыгерлери жетишсиз. Жумабаева бул багытта онго жетпеген дарыгер иштей турганын белгиледи.


Чоң кишилер арасында 54 миңден ашуун адам кант оорусу менен каттоодо турат. Бирок "Глобалдык кант диабет картасы" уюму бул сан 200 миңге чукул болушу мүмкүн экенин аныктаган.


Дарыгерлердин айтымында, бул ооруга кыймылсыз жашоо, ашыкча салмак себеп болуп жатат. (BCh)