"АрселорМиттал Теміртаудағы" өрттен соң бірнеше цехтың жұмысы тоқтады
“Әктас өртеу цехының жанында орналасқан құбырлар желісінен газ шығып, өртенген. Көпір краны құлағандықтан конвертер цехы ғимаратының кейбір жерлері бүлінген” делінген министрлік таратқан ақпаратта.
Бұған қоса, бірқатар машиналар, құрылғылар бүлінген. Қазір комбинаттағы бірқатар цехтар жұмысын тоқтатқан. Апаттан ешкім зардап шекпеген.
“АрселорМиттал Теміртау” қоршаған ортаға экологиялық зақым келмегенін де хабарлады.