Армиягә язгы чакырылышта Зәйдән 80ләп егет ил сагына басар дип көтелә
1 апрель хәрби хезмәткә язгы чакырылыш башлану белән дә билгеләнә. Бу юлы Зәйдән 80ләп егет Россия Кораллы көчләре сафына басар дип планлаштырыла.
- 1 апрельдән 15 июльгә кадәр без егетләрне армиягә озатачакбыз. Беренчесе апрель ахырында булыр дип планлаштырыла. Әмма башта без берничә егетне генә җибәрәбез, күпләп озату җәйге чорда булачак. Бу үткән язда армиягә киткәннәрне алыштыру процессы белән бәйле. Бүгенге көндә Зәйдән 170тән артык егет хезмәт итә, аларның бер өлешен тиздән яңа төркемнәр алыштырачак, - ди баш хәрби комиссар Айрат Әгъләмҗанов.