Чәшке тун урлап, утыргыч япмалары теккән
Җирле полициягә бер хатын 70 000 сумлык чәшке туны югалу турында гариза кертә. Тикшерә башлагач, бу тунны бер ирнең машина утыргычлары өстендә япма итеп тегелүен ачыклыйлар.
Бу хәл Кемерово шәһәрендә була. Алдагы көнне хатынның ире дусты белән спиртлы эчемлекләр эчеп утыра. Кайсыдыр вакытта дус кеше балконга тәмәке тартырга чыга, анда ул тунның эленеп торуын күрә. Озак уйлап тормыйча ул тунны балконнан ыргыта. Аннан аны алып, такси белән өенә кайтып китә. Башына ВАЗ-2114 машинасы утыргычларына япма тегү идеясе килә. Хәзер әлеге җинаяте өчен аңа 6 елга кадәр ирегеннән мәхрүм ителү яный.
.