13 ოქტომბერს, თბილისში, დინამოს არენაზე გაიმართა უეფას ერთა ლიგის მატჩი საქართველოსა და ანდორის საფეხბურთო ეროვნულ გუნდებს შორის. საქართველოს გუნდმა დაამარცხა ანდორის ნაკრები ანგარიშით 3:0. ანგარიში 33-ე წუთზე ვაკო ყაზაიშვილმა გახსნა. თამაშის დამთავრებამდე 10 წუთით ადრე ყაზაიშვილმა გაიტანა მეორე გოლიც. მატჩის ბოლო წუთზე გუნდის კაპრიტანმა, ჯაბა კანკავამ სხვაობა სამამდე გაზარდა. გათამაშებაში საქართველოს ნაკრებმა მესამე გამარჯვებას მიაღწია და 9 ქულით ჯგუფის ლიდერია. ლატვიასა და ყაზახეთს თითო-თითო ქულა აქვთ და ისინი 14 ოქტომბერს რიგაში ხვდებიან ერთმანეთს.
