Çubarov: «Rusiye andan ketkence Qırımnen bağlı masraflarğa qatlanmaq kerek» (+video)
Bu aqta Çubarov özüniñ Facebook saifesinde derc etken videomuracaatında söz yürsete.
“Rusiye anda elektrik ve mallar naqliyesi içün kerçekten de ziyade meblağ masraf etip başladı. “Qırımnıñ vatandaşlıq blokadası” öz vazifesini becerdi ve dünya Qırımdaki vaziyetke, qırımtatarlar halqınıñ alına, Qırımnıñ azat etilüvinen alâqalı meselelergebir daa aylânıp baqtı. Artıq üç yıl keçti, azat etüv meselesi alâ daa çezilmey qalmaqta. 2015 senesi sentâbrniñ 20-nde blokadanı başlatqanlar, bizlerge qoşulacaq on biñlernen diger insanlarnen beraber epimiz birleşip Qırımğa kirecek künümiz kelecegine inanam”- dedi o.
2015 senesi sentâbrniñ 20-nde Qırımğa erzaq ve mallar taşığan yük maşnalarınıñ blokadası başlatılğan edi. Bunıñ teşebbüsçisi qırımtatarlarnıñ liderleri oldı. Teşkilâtçılarnıñ sözlerine köre, bu – planlaştırılğan areketlerniñ ilk basamağı edi. 2015 senesi noyabr atında bunıñ ekinci basamağı – energetik basamaq başlatıldı. Teşkilâtçılarnıñ sözlerine binaen, 2016 senesi yanvar ayınıñ ortasında Qırım blokadasınen bağlı aktsiyanıñ formatı deñişti.
Baqıñız: Kyivde Qırım «vatandaşlık blokadası»nıñ neticeleri közden keçirildi
Halqara cemaatçılıq Qırımnıñ işğali ve ilhaqını qanunsız dep tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.