“Күкчәчәк” - иң яхшы билингваль балалар бакчасы
Мәгълүм булганча, узган ел Зәй шәһәренең “ Күкчәчәк” балалар бакчасы ТР Мәгариф һәм фән министрлыгының “Киләчәк” стратегик үсеш программасы нигезендә үткәрелгән бәйгедә “Иң яхшы билингваль балалар бакчасы” грантын откан иде. Бу көннәрдә әлеге грантны тулысынча үзләштереп бетерү максатында соңгы партия уенчыклар, бакчада балаларга ике телне яхшы өйрәнү өчен уңайлы шартлар тудыру өчен кирәк-яраклар кайтартылды. Бу балалар белән эшләүдә, аларны кече яшьтән үк белемле итү, татар һәм рус телләрендә иркен аралашырга өйрәтүгә уңай йогынты ясаячак, диләр тәрбияче-педагоглар.