Төнлә Татарстанда 10 градуска кадәр салкынайта
Иртәгә республикада алмашынучан болытлы һава, явым-төшем көтелми. Төнлә һәм иртән республика юлларында – бозлавык. Төнлә 5-10 градус салкын, аязганда 14 градуска кадәр. Көндез 1-6 градуска кадәр җылытачак.
17 мартта Казанда алмашынучан болытлы һава, явым-төшем көтелми. Төнлә температура 5-9 градус салкын, ә кайбер районнарда 12 градуска кадәр салкынайтырга мөмкин. Көндез 3-6 градус җылы тәшкил итәчәк.
18 март төнендә Татарстан буенча алмашынучан болытлы һава, явым-төшем юк. Температура 5-10 градус салкын, аязганда – 13 градуска кадәр, юлларда – бозлавык, дип хәбәр итә ТР Гидрометеорология һәм әйләнә-тирә мохитне күзәтү идарәсе.