Putin Keriç köprüniñ qurulması içün medal tesis etti
Medalniñ yüzünde köpür tasvir etildi, ters yüzünde ise «2014-2019» yılları ile rus tilinde «Qırım köprüniñ qurulması içün» yazısı bar.
Ondan ğayrı vesiqada, medalniñ ve bunıñ kibi de kapsulalar, zarflar ve yarlıq blanklarınıñ imalâtı içün Rusiye prezidentiniñ yedek fondundan 27,8 million rubleniñ ayırılacağı bildirile.
Buyruqqa binaen, medal yalıñız Rusiye vatandaşları ve teşkilâtlarına degil, Keriç boğazı üzerindeki köpürniñ qurulmasında iştirak etken ecnebiylerge de taqdim etilecek.
Mevzuğa dair – Öz adamlar içün köpür: Qırım deputatınıñ qorantası Keriç boğazı üzerindeki keçitni donatacaq
Keriç boğazı üzerindeki köpürniñ avtoyol qısmı yengil avtomobillerniñ areketi içün mayıs 16-da açıldı. Köpürniñ demiryol qısmı şimdilik qurulıp bitirilmedi.
Avropa Birligi ve AQŞ Rusiye territoriyası ile ilhaq etilgen Qırım arasında Keriç köprüniñ qısmen açılmasını sert bir şekilde tenqit ettiler. Ukraina tarafı Rusiye ile köpürniñ qurulması aqqında mauqaveleden 2014 senesinde – Qırım Rusiye tarafından ilhaq etilgen soñ çıqtı.
Avropa Birligi Keriç boğazı üzerindeki köpürniñ qurulmasında iştirak etken altı Rusiye şirketina qarşı sanktsiyalar tatbiq etti. Münasip qarar ABniñ resmiy jurnalında derc etildi.