Մոզամբիկում հարկեր են սահմանում լրագրողների համար. ԶԼՄ-ներ
Մոզամբիկում օգոստոսի 22-ից սկսած նոր կանոններ են ուժի մեջ մտնում, որոնցով գործնականում հարկեր են սահմանվելու լրագրության համար:
Ինչպես գրում է КоммерсантЪ-ը, արտասահմանցի լրագրողները պետք է 2500 դոլար վճարեն հավատարմագրման և այդ երկիր կատարելիք մեկանգամյա ուղևորության համար կամ 8300 դոլար՝ երկրում աշխատելու համար:
Տեղի լրագրողներն էլ լրագրողական նյութեր հրապարակելու համար ստիպված կլինեն տարեկան 500 դոլար վճարել: Իսկ տեղի այն լրագրողները, որոնք աշխատում են արտասահմանյան լրատվամիջոցների համար, կպարտավորվեն պետությանը 3500 դոլար վճարել մեկ տարվա հավատարմագրության համար:
Նոր հարկեր կգանձվեն նաև լրատվամիջոցներից: Մոզամբիկյան հրատարակչությունները պարտավոր կլինեն տարեկան 34 500 – 69 000 դոլար վճարել, իսկ ազգային ռադիոկայանները՝ շուրջ 35 000 դոլար: