Մերիլին Մենսոնը համերգի ժամանակ կորցրել է գիտակցությունը (տեսանյութ)
Ամերիկացի ռոք երգիչ Մերիլին Մենսոնը կորցրել է գիտակցությունն ԱՄՆ-ի Տեխաս նահանգի Հյուսթոն քաղաքում համերգի ժամանակ: Այս մասին հայտնում է NME-ն:
Նշվում է, որ The Eurythmics խմբի Sweet Dreams երգը կատարելու ժամանակ Մենսոնն անսպասելիորեն ընկել է բեմի վրա, ինչի պատճառով համերգն ընդհատվել է:
Ականատեսների համաձայն՝ գիտակցությունը կորցնելուց առաջ Մենսոնն ասել է, որ ինքը «թունավորվել է շոգից»:
«Շնորհակալություն ըմբռնման համար, Հյուսթոն: Ես արեցի ամեն ինչ, սակայն արդյունքում հայտնվեցի բժշկի մոտ: Ընկերներ, դուք հիասքանչ եք»,- Twitter-ի իր էջում տեղի ունեցածը մեկնաբանել է Մենսոնը: