Ադրբեջանն իր «սև ցուցակում» է ընդգրկել Մերկելի կուսակցությունից պատգամավոր Ալբերտ Վայլերին. Bild
Ադրբեջանն անցանկալի անձանց ցուցակում է ընդգրկել Գերմանիայի քրիստոնեա-դեմոկրատական միության անդամ, Բունդեսթագի պատգամավոր Ալբերտ Վայլերին, որը 2014 և 2016 թվականներին այցելել է Արցախ, այս մասին գրում է ադրբեջանական minval.az կայքը` գերմանական Bild-ին հղումով։
Հայտնի է, որ գերմանացի քաղաքական գործչի մուտքն Ադրբեջան արգելվել է։
Bild պարբերականը փոխանցում է, որ 52-ամյա Վայլերն Անդրկովկասի երկրների հետ համագործակցության խորհրդարանական խմբի անդամ է։
Հիշեցնենք, որ Գերմանիայի կանցլեր Անգելա Մերկելն այս շաբաթ կիրականացնի իր անդրկովկասյան այցը՝ ժամանելով Հայաստան, Վրաստան ու Ադրբեջան։ Հայաստանում նա կլինի օգոստոսի 24-25-ը։