Новиот пакистански премиер Имран Кан се заложи за намалување на трошоците на владата и вети борба против корупцијата и тероризмот. Кан во првото телевизиско обраќање од преземањето на функцијата изјави дека ќе спроведе реформи на сите полиња. „Сакам Пакистан да стане голема земја која ќе има социјални услуги за сиромашните“, изјави тој, укажувајќи на големите разлики меѓу богатите и сиромашните. Затоа тој најави и штедење со цел намалување на јавниот долг од 95 милијарди долари. Некогашната крикет ѕвезда во саботата положи заклетва како премиер откако неговата партија победи на изборите во минатиот месец.