Косовскиот претседател Хашим Тачи денеска на Твитер ја поздрави изјавата на германската канцеларка Ангела Меркел дека не треба да се менуваат границите во Западен Балкан. Тачи и некои српски политичари се залагаа за корекција на границата на Косово.
Тој порача дека сега очекува Меркел и Европската унија да ги убедат земјите кои не го признаваат Косово и Србија да го признаат Косово во границите кои ги има. Според него, што побргу се постигне тоа, толку подобро ќе биде за регионот.
