საქართველოს ზოგიერთ კომერციულ ბანკში ერთი ამერიკული დოლარის ფასი 2 ლარი და 63 თეთრია. 13 საათისთვის, ვალუტის გადამცვლელ პუნქტებში ამერიკული დოლარი 2,55-2,56 ლარი ღირს, ხოლო „ბლუმბერგის“ მონაცემებით, 2 ლარს და 58 თეთრს აჭარბებს. საქართველოს ეროვნული ბანკის ოფიციალური, 13 აგვისტოს კურსით, ამერიკული დოლარის ფასი 2,5339 ლარია. 14 აგვისტოს ოფიციალური კურსი ცნობილი გახდება 16 საათის შემდეგ. ეროვნული ვალუტის კურსის ამჟამინდელი ვარდნა გასულ კვირაში დაიწყო, რასაც საქართველოს ფინანსთა სამინისტროში უკავშირებენ თურქული ლირის და რუსული რუბლის გაუფასურებას.
