Օգոստոսի 10-ից 13-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 115 դեպք
Ըստ ոստիկանության օպերատիվ հաղորդագրությունների ամփոփագրերի` օգոստոսի 10-ից 13-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 115 դեպք։
Մասնավորապես՝ մարմնական վնասվածք հասցնելու 26, անձնական ունեցվածքի գողության 12, կաշառակերության 11, թմրամիջոցի հայտնաբերման 9, խարդախության 8, խուլիգանության 7, յուրացման կամ վատնման և թմրամիջոցի իրացման 6-ական, պաշտոնեական լիազորությունների չարաշահման 5, տնամերձ հողատարածքում կանեփի աճեցման 4, պաշտոնեական կեղծիք կամ անփութության ու սպանության սպառնալիքի 3-ական, իշխանության ներկայացուցչի նկատմամբ բռնության և առևտրային կազմակերպությունների ծառայողների կողմից լիազորությունները չարաշահելու 2-ական, անձի առևանգման, կողոպուտի, բնակարանային գողության, գույքի դիտավորությամբ վնասման, հարկերից խուսափելու, ազատությունից ապօրինի զրկելու, սահմանն ապօրինի հատելու, կաշառքի միջնորդության, ավտոմեքենաների նույնացման համարի կեղծման, մարդկանց տեղաշարժին խոչընդոտելու և առևտրային կամ այլ կազմակերպությունների ծառայողների կողմից լիազորությունները չարաշահելու 1-ական դեպք:
Հայտնաբերվել է 4 անհետ կորած:
Գրանցվել է զենք-զինամթերքի հայտնաբերելու և կամավոր հանձնելու 1-ական դեպք:
Նախկինում կատարված հանցագործություններից բացահայտվել է անձնական ունեցվածքի գողության 4 և ապօրինի ծառահատման 1 դեպք:
Անցած 3 օրվա ընթացքում հանրապետությունում արձանագրվել է ճանապարհատրանսպորտային 39 պատահար, ինչի հետևանքով 3 մարդ զոհվել է, 54-ը՝ ստացել է տարբեր աստիճանի մարմնական վնասվածքներ: