Башкы прокуратура Кыргызстандын мурдагы премьер-министри Сапар Исаковдун кайрылуусун жалпы тартип эрежелери менен карап чыгат. Мекеменин басма сөз кызматы Исаков аларга кайрылганын "Азаттык" радиосуна тастыктады.
Кыргызстандын социал-демократтар партиясынан (КСДП) 6-августта маалымдашкандай, Сапар Исаков Улуттук коопсуздук боюнча мамлекеттик комитеттин (УКМК) кызматкерлери опузалаган фактыны текшерүүнү суранган. Алар жактоочу Нурбек Токтакуновго кызматтан баш тартууну сунуштап, "болбосо дагы бир кылмыш ишин козгойбуз" деп коркутканын айткан.
Ушундай эле маалыматты мурдараак адвокат Нурбек Токтакунов да жарыялаган, УКМК муну "чындыкка коошпойт" деген.
Сапар Исаков Бишкек Жылуулук электр борборун (ЖЭБ) модернизациялоодогу коррупция боюнча айыпталып, быйыл 5-июнда камакка алынган.
Ал КСДПнын төрагасынын орунбасары (SE)
