Иранскиот претседател Хасан Рохани ги обвини САД дека водат психолошка војна против неговата земја. Во интервју дадено неколку часа по повторното воведување на американските санкции врз Иран тој го отфрли повикот на Вашингтон на преговори. „Тие воведуваат санкции врз иранските деца, болните и народот. Ако сте непријател и некој го прободете со нож и потоа велите дека сакате преговори, најпрвин треба да го тргнете ножот“, рече Рохани.
