Әлмәттә юллар ремонтлана башлады. Халык ризасызлык белдерә
Чокырлы юлларны ремонтлый башлауларын күреп, шәһәрдә яшәүчеләр “Халык контроле”нә шикаятьләрен юллый башлаган. Алар асфальт салуда технология бозыла дип борчыла.
Район башкарма комитеты җитәкчесе вазифаларын башкаручы Айрат Хәйруллин ремонт барышы белән үзе танышырга булды. Юл хуҗалыгы яңа технология куллана булып чыкты. Ул юл япмасының тулысынча кибеп бетүен көтмичә дә ремонт ясарга мөмкинлек бирә, дип аңлата белгечләр. Быел Ленин урамындагы юлны капиталь ремонтлау планлаштырыла.