Трамп Путинни “душман” эмас, “рақиб” деб ҳисоблаши АҚШ Конгресси аъзоларига хуш келмади
12 июль куни Конгресснинг бир неча аъзоси Трамп Россиянинг ножўя ҳаракатларига кўз юмишга тайёр эканлигини айтиб, хавотир билдирди. Улар 16 июль куни Хельсинкида Россия президенти Владимир Путин билан учрашиши кутилаётган Трампни Россия президентига мулойим муомала қилмасликка чақиришди.
Сенатнинг Ҳарбий хизмат қўмитаси етакчиси сенатор Жон Маккейн:
- Путин Америка дўсти эмас, шунчаки рақиби ҳам эмас. Путин Америка душманидир. Биз шундай хоҳлаётганимиз учун эмас, балки у шундай йўл танлагани учун, - деди.
Сенатор эълон қилган билдирувда:
- Хельсинкидаги учрашув давомида Путинга ўз ҳаракатлари учун жавобгар эканлигини айтиш Трамп қўлидаги ишдир, - дейилади.