Британиянын брекзит боюнча министри Дэвид Дэвис өкмөттүн Евробиримдиктен чыгуу боюнча планына каршы экенин жана аны аткара албасын айтып, кызматын тапшырды.
Премьер-министр Тереза Мэйдин кабинети жума күнү “жумшак брекзит” планын кабыл алган. Бул "Британия байланыштарды анча кескин үзбөйт жана жаңы соода келишими азыркыдан көп айырмаланбайт" дегенди билдирет. Девис британ өкмөтү Еврошаркеттин бажы биримдиги менен жалпы базарынан чыккысы жок экенин белгилөөдө. Брекзитти колдогондордун максаттарынын бири - Еврошаркет базарына байланбастан, дүйнөдөгү башка өнөктөштөр менен өзү каалагандай соода жүргүзүү болчу.
Британдыктардын 54% 2016-жылы өткөн референдумда брекзитти - Европа Биримдигинен чыгууну колдогон.
Бүгүн өкмөт башчы Тереза Мэй дароо эле брекзит боюнча министр кылып Доминика Раабды бекитти. Ал буга чейин турак жай министри болуп келген.
