БУУнун Миграция агенттиги АКШ көргөзгөн талапкерди четке какты
Эл аралык миграция уюмунда бүгүн үч айлампа менен өткөн добуш берүүнүн натыйжасында "Samaritan's Purse" деген христиандык гуманитардык уюмду башкарган Кен Исаакс жарыштан чыкканын дипломаттар билдиришти.
Миграция уюмунун башчылыгы үчүн эми португалиялык Антонио Виторино менен Коста Рикадан Лаура Томсон ат салышууда.
Кабарларда айтылгандай, АКШнын талапкеринин өтпөй калышына президент Дональд Трамптын администрациясынын мыйзамсыз мигранттардын үй-бүлөлөрүн бөлгөн, айрым мусулман мамлекеттердин жарандарынын Америкага келишине тыюу салган чечимдери салым кошкон. (UE)