Орусияда токойдогу өрттүн аянты эки эсе арбыды

Ушул суткада 172 аймакта өрт чыгып, аны өчүрүү иштери уланып жатат. Тилсиз жоо 42,4 миң гектар жерди каптаган. Токойду коргоо боюнча федералдык кызмат берген маалыматка караганда, Красноярск крайында жалпы аянты 26 миң гектарды түзгөн 78 аймакта өрт чыгып, көзөмөлгө алынды.


Иркутск облусунда тилсиз жоо каптаган аймак дээрлик үч эсе кеңейип, 11 миң гектарды түздү. Токойдогу өрт Хабаровск, Архангельск облусунда, Камчатка, Карелия аймагында, Алтай, Буриятия, Коми республикасында да катталды.


Ушул күндөрү 5,5 миң гектар аянттагы өрт өчүрүлдү. Ага 3 миңге чукул киши, 500дөй техника тартылды.


Өрткө байланыштуу Красноярск, Иркутск облустарында жана Якутия жана Тува республикасынын айрым райондорунда өзгөчө кырдаал режими кирди.