Суриялик қиз консерва банкасидан ясалган “протез оёқ” билан мактабга боряпти
Чақалоқлигида касаллик туфайли тиззасининг пастидан айрилган суриялик 8 ёшли Мая Мерига отаси пластмасса қувурлар ва консерва банкаларидан “протез оёқ” ясаб берди. Қизалоқ ана шу оёқ билан мактабга қатнаяпти, деб ёзади “Анадўли”га таяниб "Азон" нашри.
Маянинг оиласи урушдан қочиб, Идлибдаги бир лагерга жойлашган. Улар “Сар Жабла” лагерида гуманитар ташкилот берган чодирда яшайди.
Мая лагердан 300 метр нарида жойлашган мактабда ўқийди. Қўлбола протез оғриқ бергани учун баъзан мактабда судралиб боришига тўғри келади.
Қизалоқнинг ягона орзуси юра олиш ва мактабга чанг-тупроққа қоришмай бориш. Бунинг учун эса рисоладагидек протезга эҳтиёжи бор.